الاحداث بتاعت القصة حصلت قبل ما يكون فيه انسان لان ببساطة الارض كانت لسه جنين "حد يقولى امال اللى بيحبوا بعض دول جم منين" ارد و اقوله اقرا و انت تفهم
الارض و الشمس كانوا خارجين مع بعض و قعدوا على كورنيش مجرة اندروميدا علشان محدش يشوفهم من الكواكب التانية لكن اللي حصل ان جد الارض الاكبر اللي هو المشترى شافهم فالشمس فهمه الحقيقة و قاله انه عايز يتجوزها و لان اياميها مكانش فيه انسان يعنى الكدب مكنلوش مكان فالشمس اتقدم للارض فى مجرة درب التبانة و الكواكب كلها وافقت الا بلوتو المهم انهم مخدوش برايه و اتفقوا على معاد الفرح و راح المشترى جاب المأذون اورانوس و اتفقوا مع الراقصة المشهورة الزهرة و طبعا مغنى المجرات الاول عطارد و حضر الفرح كل قرايب الارض المريخ ابن خالها و نبتون ابن عمها و زحل ابن خالتها لكن بلوتو هو اللي مبانش من اول الحفلة و كل الكواكب طبعا قعدت تزين فى الارض و تزرغط و الراقصة المشهورة الزهرة قدمت مجموعة من استعراضاتها الراقصة اللي مبتقدمهمش غير للحبايب و عطارد غنالهم الاغنية المشهورة بتاعته الارض بتتكلم عربي اما بلوتو بقى فاتفق مع كوكب من اللي بيستوردوا الالعاب النارية انه يستوردله واحدة من السوبر نوفا علشان قال ايه الفرح لكن اللي حصل ان الزهرة يا عيني جالها حروق من الدرجات الفوق عشرينية و لغاية دلوقتى مخبية نفسها عشان محدش يشوفها بعد ما اتشوهت لكن بتطل علينا كل يوم بعد الفجر مرة و قبل العشاء مرة علشان محدش ينساها اما بلوتو فاتعقدت محكمة مجرية حكمت بنفيه لاخر المجرة و بانه ميتحركش من هناك لاخر الزمان اما الارض و الشمس فراحوا قضوا شهر العسل و بعدين رجعوا المجرة و هما شايلين نونو جميل خالص سموه القمر و القمر بقى كان بيحب مامته الارض قوى و هي كمان دايما رابطاه حواليها علشان خايفة بلوتو يعمل فيه حاجة و مرت السنين و الشمس و الارض على احسن ما يكون لحد ما بدات العيلة تتدخل فى الخلافات اللي بينهم و ده خلاهم ينفصلوا عن بعض و كل واحد فيهم قعد فى شقة لوحده بس القمر لانه بيحب مامته الارض جدا فمرضيش يبعد عنها و فضل يلعب و يلف حواليها شهر لحد ما ينام و بعديها اول ما يصحى يبان
الارض و الشمس كانوا خارجين مع بعض و قعدوا على كورنيش مجرة اندروميدا علشان محدش يشوفهم من الكواكب التانية لكن اللي حصل ان جد الارض الاكبر اللي هو المشترى شافهم فالشمس فهمه الحقيقة و قاله انه عايز يتجوزها و لان اياميها مكانش فيه انسان يعنى الكدب مكنلوش مكان فالشمس اتقدم للارض فى مجرة درب التبانة و الكواكب كلها وافقت الا بلوتو المهم انهم مخدوش برايه و اتفقوا على معاد الفرح و راح المشترى جاب المأذون اورانوس و اتفقوا مع الراقصة المشهورة الزهرة و طبعا مغنى المجرات الاول عطارد و حضر الفرح كل قرايب الارض المريخ ابن خالها و نبتون ابن عمها و زحل ابن خالتها لكن بلوتو هو اللي مبانش من اول الحفلة و كل الكواكب طبعا قعدت تزين فى الارض و تزرغط و الراقصة المشهورة الزهرة قدمت مجموعة من استعراضاتها الراقصة اللي مبتقدمهمش غير للحبايب و عطارد غنالهم الاغنية المشهورة بتاعته الارض بتتكلم عربي اما بلوتو بقى فاتفق مع كوكب من اللي بيستوردوا الالعاب النارية انه يستوردله واحدة من السوبر نوفا علشان قال ايه الفرح لكن اللي حصل ان الزهرة يا عيني جالها حروق من الدرجات الفوق عشرينية و لغاية دلوقتى مخبية نفسها عشان محدش يشوفها بعد ما اتشوهت لكن بتطل علينا كل يوم بعد الفجر مرة و قبل العشاء مرة علشان محدش ينساها اما بلوتو فاتعقدت محكمة مجرية حكمت بنفيه لاخر المجرة و بانه ميتحركش من هناك لاخر الزمان اما الارض و الشمس فراحوا قضوا شهر العسل و بعدين رجعوا المجرة و هما شايلين نونو جميل خالص سموه القمر و القمر بقى كان بيحب مامته الارض قوى و هي كمان دايما رابطاه حواليها علشان خايفة بلوتو يعمل فيه حاجة و مرت السنين و الشمس و الارض على احسن ما يكون لحد ما بدات العيلة تتدخل فى الخلافات اللي بينهم و ده خلاهم ينفصلوا عن بعض و كل واحد فيهم قعد فى شقة لوحده بس القمر لانه بيحب مامته الارض جدا فمرضيش يبعد عنها و فضل يلعب و يلف حواليها شهر لحد ما ينام و بعديها اول ما يصحى يبان
و ادرك شهرزاد الصباح فسكتت عن الكلام المباح
و توتة توتة خلصت الحدوتة حلوة ولا ملتوتة؟؟؟؟
"الا هو يعنى ايه ملتوتة يا مرسى؟"
