الله ع البحر الصافى
و اللون الازرق دافى
اندهلى يا بحر اجيلك
واجرى على شطك حافى
لو تعلى يا بحر معاك
لو تهدى راح اهدى وراك
لو ميت مليون قسونى
راح اقول انا برضه معاك
غرقنى يا بحر ف خيرك
و حياتك معشق غيرك
لو يوم ابعد هرجعلك
انا عمرى ف يوم ما انساك
الاشتراك في:
تعليقات الرسالة (Atom)
هناك 6 تعليقات:
جملية جدًا، و ما تطلعش غير م إسكندراني
بس ل ملاحظة، اللون الأزرق مش دافي، دا من الألوان الباردة .. ظبّط البيت ده حتلاقيها بقت قصيدة جميلة جدًا
و ابقنا عرفنا بنفسك أكتر طالما طلعنا بلدات
شكرا يا دائخ و على فكرة تهييساتكم انتو كمان حلوة قوى
بصي يا ستي .. ممكن يبقي "و اللون الأزرق شافي" .. أعتقد إن ده موافق لكلامك عن التأثير الل بسيبه البحر ف اللي بيبص له
علي كل أهم حاجة تكوني مقتنعة باللي كتباه، و اللي قولته ده مجرد رأي أنت مش ملزمة بيه ..
و شكرًا علي تشريفك بزيارتنا
شكرا تانى لتشريفك مدونتى المتواضعة و انا بعتقد ان البيت هيبقى حلو برضه لو كان زى مانت بتقول وجهة نظر برضه
بصي .. أعترف كنت مكسل أقراها للآخر مش عارف ليه .. بس جيت و قريتها و عاجباني فعلا .. و بعدين مش لازم الأزرق يبقى بارد .. ممكن يبقى الواحد بيحس بالدفء معاه .. أنا مثلا بأحب اللون الأسود و بأحس فيه الطهر الحزين .. رغم ان الأسود عند ناس كتير شر .. بس بصراحة امشي ورا الدائخ ما شاء الله عليه .. بيركز أوي و ما بتفوتهوش حاجة ..
و لك كل التحيات
شكرا يا سكوبل على تعليقك الجميل
و على فكرة انا كمان بحب اللون الاسود قوى
انا مبسوطة ان القصيدة عجبتك
شكرا ع المرور
بس ابقوا خلونى اشوفكوا علطول
إرسال تعليق