القرش ده حوشته يوم 15/10/2007 الساعة 1الضهر

الله ع البحر الصافى
و اللون الازرق دافى
اندهلى يا بحر اجيلك
واجرى على شطك حافى
لو تعلى يا بحر معاك
لو تهدى راح اهدى وراك
لو ميت مليون قسونى
راح اقول انا برضه معاك
غرقنى يا بحر ف خيرك
و حياتك معشق غيرك
لو يوم ابعد هرجعلك
انا عمرى ف يوم ما انساك

القرش ده حوشته يوم 4/10/2007م الساعة3.10م

ليه يا قلم ساكت
وسايب السطور فاضية
ما فيه ياما شعوب هاجت
وفيه برضه شعوب راضية
و يوم ما الشعب كان ثاير
كان القلم سلاح جبار
ودلوقت الشعوب هادية
و بتآمن للاستعمار